Kusajili SACCO au chama cha ushirika

Unachohitaji

• Maombi kwenye fomu rasmi, yaliyotiwa sahihi na angalau watu 10 wanaostahili kuwa wanachama
• Nakala 4 za sheria ndogo (by-laws) zinazopendekezwa, kwa Kiingereza
• Tathmini ya kiuchumi ya chama kinachopendekezwa (fomu iko ushirika.go.ke)
• Fomu ya taarifa za ziada za usajili (iko ushirika.go.ke)

Hatua

1. Omba utafutaji wa jina kutoka Idara ya Serikali ya Ushirika. Inagharimu KSh 200 na huchukua takriban siku 2.
2. Andaa sheria ndogo zenu. Wizara imechapisha mifano ya sheria ndogo za SACCO na vyama vingine kwenye ushirika.go.ke (Downloads).
3. Tuma maombi yaliyotiwa sahihi, nakala 4 za sheria ndogo na taarifa nyingine zitakazoombwa kwa Kamishna wa Maendeleo ya Ushirika.
4. Lipa ada ya usajili ya KSh 3,500. Kamishna akiridhika, chama na sheria zake ndogo husajiliwa.

Nani anaweza kuomba

• SACCO au chama kingine cha ushirika cha msingi kinahitaji angalau watu 10 wanaostahili kuwa wanachama.
• Muungano wa vyama vya ushirika unahitaji angalau vyama 2 vilivyosajiliwa kama wanachama.